Kerala

മധ്യ കേരളം കണ്ട ഏറ്റവും രൂക്ഷമായ പ്രളയം

കേരളത്തിലെ ഏറ്റവും ശക്തമായ മഴക്കാലമാണ് ജൂൺ മുതൽ സെപ്റ്റംബർ വരെയുള്ള തെക്കുപടിഞ്ഞാറൻ കാലവർഷം. കേരളത്തിന് ലഭിക്കുന്ന മഴയുടെ 60 മുതൽ 75 ശതമാനം വരെ തെക്കുപടിഞ്ഞാറൻ കാലവർഷം വഴിയാണ് ലഭിക്കുന്നത്.

മധ്യ കേരളം കണ്ട ഏറ്റവും രൂക്ഷമായ പ്രളയം

കഴിഞ്ഞ ഏതാനും ദിവസങ്ങളിൽ മധ്യ കേരളം കണ്ട പ്രളയം കഴിഞ്ഞ അര നൂറ്റാണ്ടിലെ ഏറ്റവും രൂക്ഷമായ പ്രളയമായി വിലയിരുത്തപ്പെടുന്നുണ്ട് . പക്ഷെ മഴയുടെ കാര്യം നോക്കിയാൽ ജൂൺ ഒന്നുമുതൽ ഇരുപതു വരെ കേരളത്തിൽ പെയ്ത മഴ ഈ കാലയളവിൽ സാധാരണ തെക്കു പടിഞ്ഞാറൻ കാലവർഷത്തിൽ ലഭിക്കുന്ന ശരാശരി മഴയെക്കാൾ ഏതാണ്ട് 20% മാത്രമേ അധികമായിട്ടുളൂ . സാങ്കേതികമായി പറഞ്ഞാൽ ഈ കാലയളവിലെ തെക്കുപടിഞ്ഞാറൻ കാലവർഷം ഒരു സാധാരണ കാലവർഷമോ അല്ലെങ്കിൽ നേരിയ തോതിൽ വർധിച്ച കാലവർഷമോ ആണ്. അത്തരം ഒരു '' നിയർ നോർമൽ '' (Near Normal ) കാലവർഷം എങ്ങിനെയാണ് ഇത്രവലിയ പ്രളയം സൃഷ്ടിച്ചത് എന്ന കാര്യം കൂലങ്കഷമായി വിശകലനം ചെയേണ്ടതാണ് . ആ ദിശയിലുളള ഒരു ചെറിയ ഉദ്യമത്തിനാണ് ഈ ലേഖനം മുതിരുന്നത് .
.
കേരളത്തിലെ ഏറ്റവും ശക്തമായ മഴക്കാലമാണ് ജൂൺ മുതൽ സെപ്റ്റംബർ വരെയുള്ള തെക്കുപടിഞ്ഞാറൻ കാലവർഷം . കേരളത്തിന് ലഭിക്കുന്ന മഴയുടെ 60 മുതൽ 75 ശതമാനം വരെ തെക്കുപടിഞ്ഞാറൻ കാലവർഷം വഴിയാണ് ലഭിക്കുന്നത് . കേരളത്തിന്റെ ഏറ്റവും തെക്കൻ മേഖലയിൽ 70-100 സെന്റീമീറ്റർ മഴ തെക്കുപടിഞ്ഞാറൻ കാലവർഷം വഴി ലഭിക്കുമ്പോൾ വടക്കൻ മേഖലയിൽ അത് 250-300 സെന്റീമീറ്റർ വരെയാകുന്നു . പശ്ചിമഘട്ടത്തിന്റെ ഉന്നതമേഖലയി ൽ വര്ഷപാതം 400 സെന്റീമീറ്റർ കടക്കാറുമുണ്ട് .മാർച്ചുമുതൽ മെയ് വരെയുള്ള പ്രീ മൺസൂൺ കാലഘട്ടം മിതമായ മഴ ലഭിക്കുന്ന സമയമാണ് . ശരാശരി നാല്പതു സെന്റീമീറ്റർ മഴയാണ് കേരളത്തിൽ ഈ കാലഘട്ടത്തിൽ ലഭിക്കുനന്ത് .

മധ്യ കേരളം കണ്ട ഏറ്റവും രൂക്ഷമായ പ്രളയം

കേരളത്തിലെ മൺസൂൺ സ്ഥിരമായ തോതിൽ പെയ്യുന്ന ഒരു മഴയല്ല. ശക്തമായ വർഷപാത പൾസുകളായാണ് കേരളത്തിൽ മൺസൂൺ മഴ പെയ്യിക്കുന്നത് . ജൂൺ മുതൽ സെപ്തംബർ വരെയുള്ള കാലയളവിൽ മൂന്ന് മുതൽ ഏഴുവരെ ശക്തമായ മൺസൂൺ പൾസുകളാണ് കേരളത്തിൽ പെയ്തിറങ്ങുന്നത് . ഓരോ പൾസും ശരാശരി 20-40 സെന്റീമീറ്റർ മഴ പെയ്യിക്കുകയും മൂന്നുമുതൽ ഏഴുദിവസം വരെ നീണ്ടുനിൽക്കുകയും ചെയ്യും . വിരളമായി മൺസൂണിനു മുന്നോടിയായി മൺസൂൺ മഴക്ക് സമാനമായ ഒരു പ്രീ മൺസൂൺ പൾസും ഉണ്ടാവാറുണ്ട് . ഇക്കൊല്ലം അത്തരം ശക്തമായ ഒരു പ്രീ മൺസൂൺ പൾസ് ഉണ്ടായിരുന്നു . മെയ് ഇരുപതിനും മുപ്പതിനും ഇടക്ക് ഒരു ശക്തമായ മൺസൂൺ പൾസിന് സമാനമായ മഴയാണ് കേരകലത്തിൽ ലഭിച്ചത് . ചുരുക്കത്തിൽ സാങ്കേതികമായി മൺസൂൺ ആരംഭിച്ചത് ജൂൺ ഒന്നിനായിരുന്നു വെങ്കിലും അതിനു മുൻപ് തന്നെ ശക്തമായ കേരളത്തിൽ ആരംഭിച്ചിരുന്നു . പ്രീ മൺസൂൺ മഴ കേരളത്തിൽ ഇക്കൊല്ലം 37% അധികമായിരുന്നു എന്നാണ് ഇന്ത്യൻ കാലാവസ്ഥാ വകുപ്പിന്റെ ( India Meteorological Department )കണക്കുകൾ വ്യക്തമാക്കുന്നത് .ചുരുക്കത്തിൽ ഈ വര്ഷം മെയ്മാസഅവസാനം ആകുമ്പോഴേക്ക് നമ്മുടെ മണ്ണ് സാധാരണയിലും കൂടിയ അളവിൽ ജലത്താൽ പൂരിതമായിരുന്നു .

തെക്കുപടിഞ്ഞാറൻ കാലവർഷത്തിന്റെ ആദ്യത്തെ ശക്തമായ പൾസ് ജൂൺ ഏഴു മുതൽ ജൂൺ പതിനഞ്ചു വരെയായിരുന്നു . എട്ടു തുടർച്ചയായ ദിവസങ്ങളിൽ കേരളത്തിൽ ശരാശരിയിലും കൂടിയ മഴ പെയ്തു . അതിൽ തന്നെ നാലുദിവസങ്ങളിൽ ശരാശരിയുടെ ഇരട്ടി മഴയാണ് പെയ്തത് .ജൂൺ പതിനഞ്ചിന് അവസാനിച്ച ആദ്യ മൺസൂൺ പൾസിന് ശേഷം ജൂലൈ എട്ടു വരെ കേരളത്തിൽ സാധാരണ മഴ മാത്രമാണ് പെയ്തത് . ഈ കാലയളവിൽ രണ്ടോ മൂന്നോ ദിവസങ്ങളിൽ മാത്രമാണ് ശരാശരിയിലും വലിയ മഴപെയ്തത്.

മധ്യ കേരളം കണ്ട ഏറ്റവും രൂക്ഷമായ പ്രളയം

ജൂലൈ എട്ടിനാരംഭിച്ച രണ്ടാമത്തെ മൺസൂൺ പൾസ് സമീപകാലങ്ങളിലെ ഏറ്റവും ശക്തമായ മൺസൂൺ പൾസുകളിൽ ഒന്നായിരുന്നു . ഒരു സാധാരണ മൺസൂൺ പൾസ് ഏറിയാൽ ഏഴോ എട്ടോ ദിവസമാണ് നീണ്ടുനിൽക്കുന്നത് . എന്നാൽ ജൂൺ എട്ടിന് തുടങ്ങിയ മഴ അതിശക്തമായി ജൂൺ ഇരുപതു വരെ അതിശക്തമായി നിലനിന്നു .പതിമൂന്നു ദിവസം നീണ്ടുനിന്ന ഈ വലിയ മൺസൂൺ പൾസിൽ മിക്കദിവസങ്ങളിലും ശരാശരി പെയ്യേണ്ട മഴയുടെ ഇരട്ടിയാണ് പെയ്തത് . അതിൽ തന്നെ ജൂലൈ 10,11,12,16 എന്നീ ദിവസങ്ങളിൽ അതിശക്തമായ മഴയാണ് പെയ്തത് . ജൂലൈ പതിനാറിന് ശരാശരിയിലും മൂന്നിരട്ടിയിലധികം മഴയാണ് പെയ്തത് . ഈ നാലുദിവസങ്ങളിലെ പെരുമഴ ഭൂമിക്കു താങ്ങാവുനനത്തിലും ഏറെയായിരുന്നു . ശക്തമായ പ്രീ മൺസൂൺ മഴയാലും അതുവരെയുള്ള നല്ല മൺസൂൺ മഴകൊണ്ടും ജലത്താൽ പൂരിതമായ നമ്മുടെ മണ്ണിനു ജൂലൈ 10,11,12,16 എന്നീ ദിവസങ്ങളിൽ പെയ്ത മഴയെ നല്ലതോതിൽ ആഗിരണം ചെയ്യാനായില്ല . മധ്യകേരളത്തിന്റെ ഭൂരിഭാഗം പ്രദേശങ്ങളും സമുദ്രനിരപ്പിന് വളരെയൊന്നും മുകളിലില്ലാത്ത സാഹചര്യത്തിൽ പശ്ചിമഘട്ടത്തിൽ നിന്നും ഒലിച്ചിറങ്ങിയ മഴവെള്ളം ഒരു പ്രളയം തന്നെ സൃഷ്ടിച്ചു .

ചുരുക്കത്തിൽ മധ്യകേരളം കഴിഞ്ഞ ദിവസങ്ങളിൽ സാക്ഷ്യം വഹിച്ച പ്രളയത്തിന് കാരണമായ വസ്തുതകൾ താഴെപ്പറയുന്നവയാണ് .

1. ശക്തമായ പ്രീ മൺസൂൺ മഴ - നാല്പതുശതമാനം അധിക പ്രീ മൺസൂൺ മഴയാണ് ഈ വര്ഷം പെയ്തത് . തെക്കുപടിഞ്ഞാറൻ കാലവർഷം തുടങ്ങുന്നതിനുമുമ്പ് തന്നെ മണ്ണ് ജലപൂരിത അവസ്ഥയിലായിരുന്നു .

2. തെക്കുപടിഞ്ഞാറൻ കാലവർഷത്തിന്റെ ഒന്നാമത്തെ പൾസ് തന്നെ ശക്തമായ ഒന്നായിരുന്നു .

3.തെക്കുപടിഞ്ഞാറൻ കാലവർഷത്തിന്റെ രണ്ടാമത്തെ പൾസ് അതിശക്തമായിരുന്നു എന്ന് മാത്രമല്ല പതിമൂന്നു ദിവസം നീണ്ടുനിൽക്കുകയും ചെയ്തു .

മധ്യ കേരളം കണ്ട ഏറ്റവും രൂക്ഷമായ പ്രളയം

ശക്തമായ പ്രീ മൺസൂൺ മഴയും , മൺസൂണിന്റെ ശക്തമായ ഒന്നാം പൾസും മധ്യകേരളത്തിൽ ഒരു പ്രളയത്തിന് പച്ഛാത്തലമൊരുക്കുന്നു . മൺസൂണിന്റെ രണ്ടാം പൾസ് അതിശക്തമായാൽ പ്രളയം നിശ്ചിതമാകുന്നു . ഈ മൂന്നവസ്ഥകളും ഒരുമിച്ച് ഒരു വര്ഷം പ്രത്യക്ഷപ്പെടുന്നത് വിരളമായിരിക്കും ഏതാനും പതിറ്റാണ്ടുകളിൽ ഒരിക്കൽ മാത്രമാവും ഇത്തരം അവസ്ഥ സംജാതമാകുക . തെക്കു പടിഞ്ഞാറൻ കാലവർഷത്തിന്റെ രണ്ടോ മൂന്നോ പൾസുകൾകൂടി വരുന്ന രണ്ടു മാസങ്ങളിൽ പ്രതീക്ഷിക്കാം . അതിൽ അടുത്ത പൾസ് ഓഗസ്റ് പകുതിക്കുമുപ് ശക്തമായി കടന്നുവന്നാൽ ഇനിയുമൊരു പ്രളയത്തിന് കൂടി സാധ്യതയുണ്ട് .വെറുമൊരു സാങ്കേതിക സംഭവ്യതയാണെങ്കിൽകൂടി അതിനുള്ള സാധ്യത പൂജ്യമാണെന്നു പറയാനാകില്ല . 

advertisment

News

Super Leaderboard 970x90