Kerala

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

വയനാട്ടിൽ വെള്ളപ്പൊക്കമുണ്ടാകുന്ന എല്ലാ വർഷങ്ങളിലും നമ്മൾ കുറ്റം പറയുന്നത് കർണ്ണാടകത്തിൽ കബനി നദിക്ക് കുറുകെ നിർമ്മിച്ചിട്ടുള്ള ബീച്ചിനഹള്ളി അണക്കെട്ടിനെയാണ്. എന്നാൽ അതു തന്നെയാണോ യഥാർത്ഥ കാരണം?

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

വയനാട്ടിലെ ദ്രുതഗതിയിലുള്ള വെള്ളപ്പൊക്കത്തിന്റെയും സാവധാനത്തിലുള്ള വെള്ളമിറങ്ങലിന്റെയും കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്?

വയനാട്ടിൽ വെള്ളപ്പൊക്കമുണ്ടാകുന്ന എല്ലാ വർഷങ്ങളിലും നമ്മൾ കുറ്റം പറയുന്നത് കർണ്ണാടകത്തിൽ കബനി നദിക്ക് കുറുകെ നിർമ്മിച്ചിട്ടുള്ള ബീച്ചിനഹള്ളി അണക്കെട്ടിനെയാണ്. എന്നാൽ അതു തന്നെയാണോ യഥാർത്ഥ കാരണം ? ബീച്ചിനഹള്ളി ഡാം തന്നെയാണ് വയനാട്ടിലെ വെള്ളപ്പൊക്കത്തിന്റെ യഥാർത്ഥ കാരണമെങ്കിൽ താഴെപ്പറയുന്ന നാല് സംശയങ്ങൾക്ക് ഉത്തരം തരാൻ പറ്റുമോ എന്ന് നോക്കൂ.

സംശയം 1 

ചിത്രങ്ങൾ 1, 2, 3, 4 കർണ്ണാടകത്തിലെ ബൈരക്കുപ്പ ടൗണിന്റെ വെള്ളം കയറിയപ്പോഴും കയറാത്തപ്പോഴുമുള്ള ചിത്രങ്ങളാണ്. 

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

ചിത്രങ്ങൾ 5, 6, 7 വള്ളിയൂർക്കാവിന്റെ വെള്ളം കയറിയപ്പോഴും കയറാത്തപ്പോഴുമുള്ള ചിത്രങ്ങളാണ്. ബൈരക്കുപ്പ ടൗണിൽ 3-3.5 മീറ്റർ വെള്ളം പൊങ്ങിയ സമയത്ത് വള്ളിയൂർക്കാവിൽ 7-8 മീറ്റർ ഉയരത്തിലാണ് ജലനിരപ്പുയർന്നത്.

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

അതുപോലെ ചിത്രങ്ങൾ 8, 9 കാണുക. വള്ളിയൂർക്കാവിൽ നിന്ന് പുഴ വഴി ബീച്ചിനഹള്ളി ഡാമിലേക്കുള്ള ദൂരം 65 - 70km ആണ്. എന്നാൽ ബൈക്കുപ്പ ടൗണിൽ നിന്ന് പുഴ വഴി ബീച്ചിനഹള്ളി ഡാമിലേക്കുള്ള ദൂരം 40-45 km ഉള്ളൂ. ബീച്ചിനഹള്ളി ഡാം മൂലമാണ് വയനാട്ടിലും വളളിയൂർക്കാവിലും ജലനിരപ്പ് 7-8 മീറ്റർ ഉയർന്നതെങ്കിൽ സമാനമായ ജലനിരപ്പിലുള്ള ഉയർച്ച ബൈരക്കുപ്പ ടൗണിലും വരണ്ടേ? അവിടെ 3-3.5 മീറ്റർ മാത്രമാണ് ജലനിരപ്പുയർന്നത്. 

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

കുറച്ചു കൂടി കൃത്യമായി പറഞ്ഞാൽ മഴക്കാലത്ത് കുറുവ ദ്വീപിനു മുകളിലുള്ള വയനാടൻ നദീതട പ്രദേശങ്ങളിൽ (കോറോം, വാളാട്, മാനന്തവാടി, വള്ളിയൂർക്കാവ്, കൊയിലേരി, കോട്ടത്തറ,ചേര്യംകൊല്ലി, വെന്നിയോട്, പനമരം, നീർവാരം, കൂടൽക്കടവ്) 6-8 മീറ്റർ ഉയരത്തിൽ ശക്തമായ വെള്ളപ്പൊക്കമുണ്ടാകുമ്പോൾ പോലും കുറുവ ദ്വീപിന് താഴോട്ടുള്ള വയനാടൻ നദീതട പ്രദേശങ്ങളിലും (ചേകാടി, ബാവലി, പെരിക്കല്ലൂർ, മരക്കടവ് മുതലായവ) കർണ്ണാടക നദീതട ഗ്രാമങ്ങളിലും (ബൈരക്കുപ്പ, മച്ചൂർ മുതലായവ) 2.5-3.5 മീറ്ററിലധികം ഉയരത്തിൽ വെള്ളം ഉയരാറില്ല. എന്നാൽ കുറുവാ ദ്വീപിന് താഴെയുള്ള ഗ്രാമങ്ങളാണ് ബീച്ചിനഹള്ളി ഡാമിനോട് അടുത്ത് കിടക്കുന്നത്.

സംശയം 2.

2018 ആഗസ്റ്റ് 9,10 തിയതികളിൽ ഉണ്ടായ വെള്ളപ്പൊക്കം രൂക്ഷമായി ബാധിച്ചത് പനമരം പുഴയുടെ തീരപ്രദേശങ്ങളെയായിരുന്നു. എന്നാൽ ആഗസ്റ്റ് 15,16 തിയതികളിൽ ഉണ്ടായ വെള്ളപ്പൊക്കം രൂക്ഷമായി ബാധിച്ചത് മാനന്തവാടി പുഴയുടെ തീരപ്രദേശങ്ങളെയായിരുന്നു.

കാരാപ്പുഴ - ബാണാസുര ഡാമുകളിലെ വെള്ളമെത്തുന്നത് പനമരം പുഴയിലാണ്. ആഗസ്റ്റ് 15, 16 തിയതികളിൽ കാരാപ്പുഴ - ബാണാസുര ഡാമുകൾ മുഴുവൻ തുറന്നുവിട്ടിട്ടും ആഗസ്റ്റ് 9,10 തിയതികളിൽ ഉണ്ടായ വെള്ളപ്പൊക്കത്തെക്കാളും 2 - 3 അടി കുറവായിരുന്നു ആഗസ്റ്റ് 15,16 ന് പനമരം പുഴയിൽ ഉണ്ടായ വെള്ളപ്പൊക്കം. എന്നാൽ ആഗസ്റ്റ് 9,10 തിയതികളിൽ ഉണ്ടായ വെള്ളപ്പൊക്കത്തെക്കാളും ഏതാണ്ട് 2-3 അടി കൂടുതലായിരുന്നു ആഗസ്റ്റ് 15,16 തിയതികളിൽ വള്ളിയൂർക്കാവ് ഭാഗത്ത് മാനന്തവാടി പുഴയിലുണ്ടായ വെള്ളപ്പൊക്കം. ഇതെങ്ങനെ സംഭവിച്ചു? അതോടൊപ്പം ബീച്ചിനഹള്ളി ഡാമിലെ വെള്ളം കമ്പിച്ചിതാണ് വയനാട്ടിലെ വെള്ളപ്പൊക്കത്തിന് കാരണമെങ്കിൽ രണ്ടു പുഴയിലും ഒരുപോലെ ജലനിരപ്പുയരണ്ടേ?

സംശയം 3.

മനന്തവാടി പുഴയുടെ തന്നെ പല പ്രദേശങ്ങളിലും ഈ ജലനിരപ്പിന്റെ ഉയര വ്യത്യാസം പ്രകടമായിരുന്നു. കൊയിലേരി വലിയ പാലത്തിന്റെ ഭാഗത്ത് മാനന്തവാടി പുഴയിൽ ആഗസ്റ്റ് 9,10 തിയതികളിലുണ്ടായ വെള്ളപ്പൊക്കത്തെക്കാളും കുറവായിരുന്നു ആഗസ്റ്റ് 15,16 ന് ഉണ്ടായ വെള്ളപ്പൊക്കം. എന്നാൽ അതിനു മുകളിലോട്ടുള്ള മാനന്തവാടി പുഴയുടെ പ്രദേശങ്ങളിൽ (വള്ളിയൂർക്കാവ്, മാനന്തവാടി, വാളാട്, കോറോം) ആഗസ്റ്റ് 9,10 തിയതികളിൽ ഉണ്ടായ വെള്ളപ്പൊക്കത്തെക്കാളും കൂടുതലായിരുന്നു. ആഗസ്റ്റ് 15,16 ന് ഉണ്ടായ വെള്ളപ്പൊക്കം. ഒരേ ഡാമുകൾ കാരണം ഒരാഴ്ച വ്യത്യാസത്തിൽ നടക്കുന്ന രണ്ട് വെള്ളപ്പൊക്കത്തിന് ഒരേ പുഴയുടെ പല ഭാഗങ്ങളിൽ പല ജലനിരപ്പ് ഉണ്ടാകുമോ? അതും വെറും മൂന്ന് കിലോമീറ്റർ വ്യത്യാസത്തിൽ കിടക്കുന്ന വള്ളിയൂർക്കാവും കൊയിലേരിയും തമ്മിൽ ?

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

സംശയം 4.

ബീച്ചിനഹള്ളി ഡാം പണിതത് 1974 ൽ ആണ്. എന്നാൽ 1930 മുതൽ വയനാട്ടിലെ മാനന്തവാടി ഭാഗത്ത് താമസമാക്കിയ കുടിയേറ്റ ജനതയോടും കല്ലറപ്പായി, പുത്തൻപുരക്കൽ തുടങ്ങിയ പഴയ നായർ തറവാടുകളിലെ കാരണവന്മാരോടും ആദിവാസി വിഭാഗങ്ങളിലെ മൂപ്പന്മാരോടും ചോദിച്ചാൽ ഇതിലും രൂക്ഷമായി ജലനിരപ്പുയർന്ന ധാരാളം വെള്ളപ്പൊക്കങ്ങളെക്കുറിച്ച് അവർക്ക് പറയാനുണ്ട്. ഇന്നും കുടിയേറ്റ ജനത ഓർക്കുന്നത് 1961-62 കാലഘട്ടത്തിലെ വെള്ളപ്പൊക്കമാണ്. ഇത്തവണ ഉയർന്നതിനേക്കാളും 2 - 3 മീറ്റർ കൂടുതലായിരുന്നു അന്നത്തെ വെള്ളപ്പൊക്കം. കൂടാതെ അക്കാലങ്ങളിൽ വെള്ളപ്പൊക്കം ഇന്നത്തേക്കാളും സർവ്വസാധാരണമായിരുന്നു. 

പണ്ടത്തെ വെള്ളപ്പൊക്കങ്ങളും ഇപ്പോഴത്തേ വെള്ളപ്പൊക്കങ്ങളും തമ്മിലുള്ള പ്രകടമായ വ്യത്യാസം, പണ്ട് നല്ല മഴപ്പെയ്താൽ മാത്രം സാവധാനം വെള്ളം കേറി, മഴ നിൽക്കുമ്പോൾ വേഗത്തിൽ ഇറങ്ങിപ്പോകുമായിരുന്നു. പക്ഷേ ഇന്ന് നേരേ തിരിച്ചാണ്. മഴ പെയ്തു തുടങ്ങുമ്പോഴേ വെള്ളം പാഞ്ഞുകയറുന്നു. മഴ നിന്നിട്ടും വെള്ളം ഇറങ്ങുന്നത് വളരെ സാവധാനം ഒന്ന് രണ്ടാഴ്ച സമയമെടുത്താണ്.

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

ബീച്ചിനഹള്ളി ഡാമും വയനാട്ടിലെ ഡാമുകളും മാത്രമാണ് വയനാട്ടിലെ വെള്ളപ്പൊക്കത്തിന്റെ കാരണമെങ്കിൽ മേൽപ്പറഞ്ഞ നാല് വൈരുദ്ധ്യങ്ങൾ എങ്ങിനെയുണ്ടായി?

ഈ ചോദ്യങ്ങൾക്കുള്ള ഉത്തരം രണ്ട് കാരണങ്ങളാണ്.

1. വയനാടൻ പീഠഭൂമിയുടെയും പുഴയുടെ അടിത്തട്ടിന്റെയും ചെരിവിലുള്ള കുറവ്
2. കുറുവാദ്വീപിലെയും വയനാടൻ പുഴകളുടെയും അടിത്തട്ടിലുള്ള കൽക്കെട്ട് (പാറക്കെട്ട്)

1.വയനാടൻ പീഠഭൂമിയുടെയും പുഴയുടെ അടിത്തട്ടിന്റെയും കുറഞ്ഞ ചെരിവ് :

വയനാടിനെ വയനാടൻ മലനിരകൾ എന്നും മലനാടെന്നുമെന്നുമൊക്കെ നാം പറയാറുണ്ടെങ്കിലും യഥാർത്ഥത്തിൽ വയനാടൊരു പർവ്വത പ്രദേശമല്ല. ഭൂപ്രകൃതിയനുസരിച്ച് വയനാട് ഒരു പീഠഭൂമിയാണ് (ഉയരത്തിൽ സ്ഥിതി ചെയ്യുന്ന സമതല പ്രദേശം). കേരളത്തിലെ ഏക പീഠഭൂമിയാണ് ഡെക്കാൻ പീഠമിയുടെ തെക്കേ മുനമ്പായ വയനാട് പീഠഭൂമി. ചിത്രങ്ങൾ 11, 13, 14 നോക്കുക.

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

വയനാടിനെ ചതുരാകൃതിയിലുള്ള മേശയായി സങ്കൽപ്പിച്ചാൽ അതിന്റെ മൂന്നു വശങ്ങളിൽ മാത്രമേ മലനിരകളുള്ളൂ. ബാക്കിയുള്ള വയനാടിന്റെ പ്രദേശം മുഴുവൻ സമതലമാണ് അത് യഥാർത്ഥത്തിൽ ഡെക്കാൻ പീഠഭൂമിയുടെ (മൈസൂർ പീഠഭൂമി) തുടർച്ചയും തെക്കേ മുനമ്പുമാണ്. ലക്കിടിയിൽ നിന്ന് കൽപ്പറ്റ - പനമരം വഴി മാനന്തവാടിക്ക് നാം യാത്ര ചെയ്യുമ്പോൾ ഈ വ്യത്യാസം മനസ്സിലാകും. ലക്കിടി മുതൽ കൽപ്പറ്റ (വയനാട് മെഡിക്കൽ കോളേജിനു വേണ്ടി സ്ഥലമേറ്റെടുത്ത മടക്കി മല) വരെ നമ്മൾ മലനിരകൾക്കിടയിലൂടെ കയറിയിറങ്ങിയാണ് യാത്ര ചെയ്യുന്നത്. എന്നാൽ കമ്പളക്കാട് നിന്നും പനമരം - നാലാംമൈൽ വഴി മാനന്തവാടിക്കുള്ള തുടർന്നുള്ള യാത്ര കയറ്റിറക്കങ്ങൾ കുറഞ്ഞ സമതലത്തിലൂടെയാണ്. ഈ വഴിയിൽ, ലക്കിടി - ചുണ്ടേൽ - കൽപ്പറ്റ വഴിപോലെ വലിയ കയറ്റിറക്കങ്ങൾ ഇല്ല. വയനാട്ടിലെ വെള്ളപ്പൊക്ക ബാധിത പ്രദേശങ്ങളിൽ ഭൂരിഭാഗവും (കോറോം, വാളാട്, മാനന്തവാടി, വള്ളിയൂർക്കാവ്, കൊയിലേരി, കോട്ടത്തറ,ചേര്യംകൊല്ലി, വെന്നിയോട്, പനമരം, നീർവാരം, കൂടൽക്കടവ്) ഈ സമതല (പീഠഭൂമി) മേഖലയിലാണ് സ്ഥിതി ചെയ്യുന്നത്. മണ്ണിടിച്ചിലും ഉരുൾപ്പൊട്ടലുമെല്ലാം മലനിരകളിൽ (മേപ്പാടി, വൈത്തിരി, ബാണാസുര മല, പേര്യ, തിരുനെല്ലി, തൃശ്ശിലേരി) ആണ് സംഭവിക്കുന്നത്.

ഇനി വെള്ളപ്പൊക്കത്തിന്റെ കാരണത്തിലേക്ക് വരാം. ചിത്രം 11 നോക്കുക. നമ്മുടെ പുഴകൾ (മാനന്തവാടി - പനമരം പുഴകളും അതിന്റെ കൈവഴികളും) വയനാടിന്റെ മൂന്നു ഭാഗത്തുള്ള മലനിരകളിൽ ഉൽഭവിച്ച് വയനാട് പീഠഭൂമിയിലൂടെ (സമതലത്തിലൂടെ) ഒഴുകി കർണ്ണാടകത്തിലേക്ക് പ്രവേശിക്കുന്നു. എന്ന് വച്ചാൽ ഈ സമതലം പടിഞ്ഞാറ് ഭാഗത്ത് നിന്ന് (കോഴിക്കോട് ജില്ലാതിർത്തിയിൽ നിന്നും) കിഴക്ക് ഭാഗത്തേക്ക് (കർണ്ണാടക അതിർത്തിയിലേക്ക്) ചെരിഞ്ഞു നിൽക്കുന്നു. ഈ സമതല പ്രദേശത്തിന്റെ കുറഞ്ഞ ചെരിവാണ് ഈ പ്രദേശങ്ങളിൽ സംഭവിക്കുന്ന വെള്ളപ്പൊക്കത്തിന്റെ കാരണം. ഇത് ലളിതമായി മനസ്സിലാക്കാൻ പുഴയെ പൈപ്പുകൊണ്ടുള്ള ഒരു പാത്തിയായി സങ്കൽപ്പിച്ചാൽ മതി. 

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

ചിത്രം 16 കാണുക. ചെരിവു കുറഞ്ഞ ആദ്യത്തെ പാത്തിയിൽ ഒരു സെക്കൻഡിൽ ഒരു ലിറ്റർ വെള്ളം ഒഴുകിത്തീരുമെങ്കിൽ രണ്ടാമത്തെ പാത്തിയിൽ ഒരു സെക്കൻഡിൽ രണ്ടു ലിറ്റർ വെള്ളം ഒഴുകിത്തീരും. കാരണം രണ്ടാമത്തെ പാത്തിയുടെ ചെരിവ് ആദ്യത്തെ പാത്തിയുടെ ഇരട്ടിയാണ്. അതു കൊണ്ട് ആദ്യത്തെ പാത്തിയിൽ ഒരു സെക്കൻഡിൽ ഒരു ലിറ്റർ വെള്ളമൊഴിക്കുന്നതു വരെ ആദ്യത്തെ പാത്തിമെത്തില്ല. എന്നാൽ ഒരു സെക്കൻഡിൽ രണ്ട് ലിറ്റർ വെള്ളമൊഴിച്ചാൽ ആദ്യത്തെ പാത്തി മെത്തി വെള്ളം പുറത്തു പോകും. അപ്പോഴും രണ്ടാമത്തെ പാത്തി മെത്തില്ല. കാരണം ആദ്യത്തെ പാത്തിയുടെ ചെരിവു കുറവു കാരണം രണ്ടാമത്തെ പാത്തിയിൽ എത്തുന്ന വെള്ളത്തിന്റെ അളവ് കുറവാണ്. ഇത് തന്നെയാണ് നമ്മുടെ പുഴകളിൽ സംഭവിക്കുന്നതും. 

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

കബനി പുഴയെ ചിത്രം 17 പോലെ നമുക്ക് മനസ്സിലാക്കാം. ഇനി വയനാട് പീഠഭൂമിയിൽ പുഴക്ക് ചെരിവ് കുറവാണെന്ന് മനസ്സിലാക്കാൻ താഴെപ്പറയുന്ന കാരണങ്ങൾ ധാരാളം.

a) വള്ളിയൂർക്കാവിൽ മാനന്തവാടി പുഴയിൽ 5 അടി ഉയരത്തിൽ ചെക്ക്ഡാം കെട്ടിയപ്പോൾ മാനന്തവാടി ഗവ. ഹൈസ്ക്കൂളിന്റെ (ചങ്ങാടക്കടവ്) താഴെ വരെയുള്ള 5 km ദൂരത്തിൽ പുഴയുടെ ഒഴുക്ക് നിലച്ചു (പുഴ കമ്പിച്ചു).

b) കൊയിലേരി വലിയ പാലത്തിന്റെ കീഴിൽ 2-3 അടി ഉയരത്തിൽ ചെക്ക്ഡാം കെട്ടിയപ്പോൾ വള്ളിയൂർക്കാവ് വരെയുള്ള 4 km ദൂരത്തിൽ പുഴയുടെ ഒഴുക്ക് നിലച്ചു.

മേൽപ്പറഞ്ഞ രണ്ട് സംഭവങ്ങളുടെ സംക്ഷിപ്തം ഇതാണ് ഒരു കിലോമീറ്റർ ദൂരത്തിന് ഒരടി മാത്രമേ വയനാടൻ പീഠഭൂമിയിൽ പുഴക്ക് ചെരിവുളളൂ.

എന്നാൽ ബൈരക്കുപ്പയിൽ നിന്നും 40-45 km താഴെ 166 അടി ഉയരത്തിൽ ബീച്ചിനഹള്ളി ഡാം കെട്ടിയിട്ടും ബൈരക്കുപ്പ ഭാഗത്ത് വെള്ളം കമ്പിച്ചിട്ടില്ല. ബീച്ചിനഹള്ളി ഡാമിന്റെ വെള്ളം കമ്പിച്ചിട്ടുള്ളത് ഡാമിൽ നിന്നും 30- 35 km മുകളിലുള്ള കാക്കനക്കോട്ടെ എന്ന കർണ്ണാടക ഗ്രാമം വരെ മാത്രമാണ്. എന്നു വച്ചാൽ ഒരു കിലോമീറ്ററിന് 4.5 - 5 അടിയാണ് കുറുവാ ദ്വീപിന് താഴെ പുഴയുടെ ചെരിവ്. എന്ന് വച്ചാൽ വയനാടൻ പീഠഭൂമിയിലൂടെ പുഴ ഒഴുകന്നതിന്റെ അഞ്ചിരട്ടി വേഗത്തിലാണ് കുറുവാ ദ്വീപ് കഴിഞ്ഞ് മൈസൂർ പീഠഭൂമിയിലൂടെ പുഴയുടെ ഒഴുക്ക്. മണൽവാരൽ സജീവമായിരുന്ന 1980- 2000 കാലഘട്ടങ്ങളിൽ മരകാവ്, പെരിക്കല്ലൂർ, ചേകാടി, പാൽവെളിച്ചം വഴി കൂടൽക്കടവിന് തോണിയിൽ യാത്ര ചെയ്തിട്ടുള്ള പല വ്യക്തികളും പുഴയുടെ ഈ ഒഴുക്കിലുള്ള വ്യത്യാസവും കുറുവ ദ്വീപിന് മുകളിൽ വെള്ളപ്പൊക്കമുണ്ടാകുമ്പോഴും കുറുവ ദ്വീപിന് താഴെ വെള്ളം പൊങ്ങാത്തതിനെക്കുറിച്ചും എടുത്ത് പറഞ്ഞിട്ടുണ്ട്.

ഇനി ചിത്രം 17 നോക്കിയാൽ കാര്യം എളുപ്പത്തിൽ മനസ്സിലാകും. വയനാടൻ മലനിരകളിൽ നിന്ന് ഉരുൾപൊട്ടിയും അല്ലാതെയും കുത്തിയൊലിച്ചു വരുന്ന വെള്ളത്തെ ഉൾക്കൊള്ളാനുള്ള ചെരിവോ വീതിയോ ആഴമോ വയനാടൻ പീഠഭൂമിയിലൂടെ ഒഴുകുന്ന പുഴകൾക്കില്ല. അതാണ് വെള്ളപ്പൊക്കത്തിന്റെ കാരണം. ഇപ്പോൾ സ്വാഭാവികമായി വരുന്ന ചോദ്യമാണ് എന്തുകൊണ്ട് വയനാട് പീഠഭൂമിയിൽ ഇത്ര കുറഞ്ഞ ചെരിവുള്ള പുഴക്ക് മൈസൂർ പീഠഭൂമിയിൽ നല്ല ചെരിവുള്ളത്. അതിനുള്ള ഉത്തരമാണ് വയനാട് പീഠഭൂമിയെ വരൾച്ചയിൽ നിന്ന് രക്ഷിക്കാൻ പ്രകൃതി തന്ന അനുഗ്രഹമായ കുറുവാദ്വീപിലെയും വയനാടൻ പുഴകളുടെയും അടിത്തട്ടിലുള്ള കൽക്കെട്ട് (പാറക്കെട്ട്).

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

2. കുറുവാദ്വീപിലെയും വയനാടൻ പുഴകളുടെയും അടിത്തട്ടിലുള്ള കൽക്കെട്ട് (പാറക്കെട്ട്) 

പർവ്വത പ്രദേശങ്ങളിൽ ഉൽഭവിക്കുന്ന പുഴകൾ സമതലത്തിലൂടെയും തീരപ്രദേശത്തിലൂടെയും ഒഴുകി കടലിൽ ചേരുന്നു. പർവ്വതങ്ങളിലും സമതലങ്ങളിലും വേഗത്തിൽ കുത്തിയൊഴുകിയ പുഴയുടെ ഒഴുക്ക് തീരപ്രദേശത്തേക്ക് പ്രവേശിക്കുമ്പോൾ വളരെ മന്ദഗതിയിലാകുന്നു. അതുകൊണ്ട് ആദ്യത്തെ രണ്ട് അവസ്ഥകളിൽ നിന്ന് ആഴവും വീതിയും വർദ്ധിപ്പിച്ച് പുഴ ഇളക്കികൊണ്ടു വന്ന മുഴുവൻ മണ്ണിനെയും (എക്കൽ) പുഴ തീരപ്രദേശത്ത് നിക്ഷേപിക്കുന്നു. തൽഫലമായി പുഴയുടെ ആഴം കുറയുകയും പുഴ പരന്നൊഴുകുകയും ചെയ്യുന്നു. പുഴ നിക്ഷേപിക്കുന്ന മണ്ണ് (എക്കൽ) അടിഞ്ഞുകൂടി രൂപം കൊള്ളുന്ന കരഭൂമിയാണ് ഡെൽറ്റ എന്ന് അറിയപ്പെടുന്നത്. ഏക്കറുകണക്കിന് വരുന്ന ഇത്തരം ഡെൽറ്റാ പ്രദേശത്തുകൂടി ആഴം കുറഞ്ഞ കൈവഴികളായി പിരിഞ്ഞൊഴുകുന്ന പുഴ അവസാനം കടലിൽ ചേരുന്നു. കൂടാതെ തീരപ്രദേശത്തുകൂടി ഒഴുകുന്ന പുഴ കുറഞ്ഞ ആഴവും ചെരിവും കാരണം പാമ്പ് പോലെ വളഞ്ഞ് പുളഞ്ഞ് ഒഴുകുന്നു. കുറഞ്ഞ ചെരിവും ആഴവും കാരണം മഴക്കാലത്ത് പുഴക്ക് ഉൾക്കൊള്ളാവുന്നതിലും അധികം വെള്ളം വരുമ്പോൾ പുഴയുടെ പ്രാന്തപ്രദേശങ്ങൾ വെള്ളത്തിനടിയിലാകുന്നു. വെള്ളപ്പൊക്കം ഇവിടങ്ങളിൽ സാധാരണമാണ്.

കേരളത്തിലെ 44 നദികളിൽ നദീജന്യ ഡെൽറ്റ നിർമ്മിക്കുന്ന ഏക നദി കബനിയാണ്. കബനി നദി നിർമ്മിക്കുന്ന കേരളത്തിലെ ഏക നദീജന്യ ഡെൽറ്റ ഭൂമിയാണ് കുറുവ ദ്വീപ്. ഇപ്പോൾ നമുക്കുണ്ടാകുന്ന സാമാന്യ സംശയമിതാണ്. കടലിൽ പതിക്കും മുൻപ് തീരപ്രദേശത്ത് പ്രവേശിക്കുമ്പോൾ പുഴ നിർമ്മിക്കുന്ന ഡെൽറ്റ ഭൂമി എന്തുകൊണ്ടാണ് വയനാട് പീഠഭൂമിയിൽ കബനി നദി നിർമ്മിക്കുന്നത്? ഇതിനുള്ള കാരണം കൂടൽക്കടവ് മുതൽ കുറുവാദ്വീപ് വരെ വ്യാപിച്ചു കിടക്കുന്ന കനത്തിലുള്ള കൽക്കെട്ടും ആഴം കുറഞ്ഞ വയനാടൻ പുഴകളുടെ അടിത്തട്ടിലുള്ള പാറകളും ആണ്.  അതിനോടൊപ്പം വയനാട് പീഠഭൂമിയുടെ ഒരു കിലോമീറ്ററിന് ഒരടി എന്ന വളരെ കുറഞ്ഞ ചെരിവും കൂടി വരുമ്പോൾ കുത്തിയൊഴുകി അടിത്തട്ടിന്റെ ആഴം കൂട്ടാൻ കബനി നദിക്ക് കഴിയുന്നില്ല. തൽഫലമായി ആഴം കുറഞ്ഞ നദി 900 ഏക്കർ വരുന്ന പ്രദേശത്ത് പരന്ന് ഒഴുകുന്നു. വയനാടൻ മലനിരകളിൽ നിന്നും സമതലത്തിൽ നിന്നും കൊണ്ടുവന്ന എക്കൽ അവിടെ നിക്ഷേപിക്കുന്നു. അതാണ് കുറുവ ദ്വീപ്.

ഏതാണ്ട് സമാനമായ രീതിയിൽ മാനന്തവാടി - പനമരം പുഴകളുടെ അടിത്തട്ടിലും അധികം ആഴത്തിലല്ലാത്ത രീതിയിൽ പാറക്കെട്ടുകൾ ഉണ്ട്. ചെക്ക്ഡാമുകൾ വരുന്നതിനു മുൻപ് നമുക്കവ കാണാൻ കഴിയുമായിരുന്നു. ഇത്തരം പാറക്കെട്ടുകൾ ഇല്ലാത്ത ഭാഗങ്ങളെല്ലാം പുഴ കുത്തിയൊഴുകി മണ്ണെടുത്ത് കയങ്ങൾ ആയി മാറിയിട്ടുണ്ട്. (ഉദാഹരണം: വള്ളിയൂർക്കാവിന് അടുത്തുള്ള അമ്മം കയം). ഈ പാറക്കെട്ടുകളും പീഠഭൂമിയുടെ കുറഞ്ഞ ചെരിവും കാരണം കുത്തിയൊഴുകി അടിത്തട്ടിന്റെ ആഴം കൂട്ടാൻ മാനന്തവാടി - പനമരം പുഴകൾക്ക് കഴിയുന്നില്ല. തൽഫലമായി മന്ദഗതിയിലാണ് വയനാട് പീഠഭൂമിയിലൂടെയുള്ള പുഴകളുടെ ഒഴുക്ക്. അതും മലകളിലും സമതലങ്ങളിലും ഒഴുകുന്ന പോലെ ഋജുവായല്ല മറിച്ച്, തീരപ്രദേശത്ത് ഒഴുകുന്ന പോലെ വളഞ്ഞ് പുളഞ്ഞാണ് ഒഴുകുന്നത്.

 3 km ദൂരമുള്ള മാനന്തവാടി - വള്ളിയൂർക്കാവ് ദൂരം പുഴ പിന്നിടുന്നത് 5 - 6 km ഒഴുകിയാണ്. ഇതിന്റെ കാരണം ഭൂമിയുടെ കുറഞ്ഞ ചെരിവാണ്. ഇത് പ്രകൃതി വയനാടിന് തന്ന അനുഗ്രഹമാണ്. ചിത്രം 16 നോക്കുക. ചെരിവു കുറഞ്ഞ പാത്തിയിലെ വെള്ളം ചെരിവു കൂടിയ പാത്തിയിലെ വെള്ളത്തേക്കാൾ സാവധാനമേ ഒഴുകിത്തീരു. അതേ രീതിയിൽ, ഇത്തരത്തിലുള്ള പുഴകളിലെയും കുറുവയിലെയും പാറക്കെട്ടും കുറഞ്ഞ ചെരിവും കാരണം നമ്മുടെ പുഴകളിൽ നിന്ന് വെള്ളം പെട്ടെന്ന് വലിഞ്ഞു പോകില്ല. അതാണ് വേനൽക്കാലത്ത് നമ്മുടെ വയനാടൻ ഗ്രാമങ്ങളെ വരൾച്ചയിൽ നിന്ന് തടയുന്നത്. എന്നാൽ ഇതിന് ഒരു മറുവശമുണ്ട്. ഇങ്ങനെയുള്ള പ്രദേശത്ത് ചിത്രം 16 ൽ നമ്മൾ കണ്ട പോലെ പുഴക്ക് ഉൾക്കൊള്ളാനാവുന്നതിലും അപ്പുറം വെള്ളം പുഴയിലെത്തുമ്പോൾ (പ്രത്യേകിച്ച് മഴക്കാലത്ത്) പുഴമെത്തി വെള്ളപ്പൊക്കമുണ്ടാകുന്നു.

എന്നാൽ കുറുവാ ദ്വീപിന് ശേഷം ചേകാടി, പെരിക്കല്ലൂർ, ബൈരക്കുപ്പ ഭാഗത്ത് കൂടി ഒഴുകുന്ന നദിക്ക് ഈ വിധമുള്ള ആഴത്തിലല്ലാതെ കനത്തിൽ വ്യാപിച്ചുകിടക്കുന്ന പാറക്കെട്ട് ഇല്ലാത്തതിനാൽ കുത്തിയൊഴുകി അടിത്തട്ടിന് ആഴവും ചെരിവും കൂട്ടാൻ സാധിക്കുന്നു. അതുകൊണ്ട് ചിത്രം 17 ൽ കണ്ടപോലെ കുറുവാ ദ്വീപിന് മുകളിലുള്ള വയനാടൻ സമതലത്തിൽ പ്രകൃത്യാ വെള്ളപ്പൊക്കമുണ്ടാകുമ്പോഴും കുറുവാ ദ്വീപിന് താഴെയുള്ള വയനാടൻ ഗ്രാമങ്ങളിലും കർണ്ണാടക ഗ്രാമങ്ങളിലും വെള്ളപ്പൊക്കമുണ്ടാകില്ല. പക്ഷേ ബീച്ചിനഹള്ളി ഡാം ഇല്ലായിരുന്നെങ്കിൽ ആ പ്രദേശങ്ങൾ വരൾച്ചയിൽ അമർന്നേനേ.

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

വയനാട്ടിൽ സ്വാഭാവികമായി സംഭവിക്കുന്ന വെള്ളപ്പൊക്കം - അശാസ്ത്രീയമായി നിർമ്മിച്ച പാലങ്ങളും അപ്രോച്ച് റോഡുകളും അതിൽ വരുത്തിയ മാറ്റങ്ങൾ:

മേൽപ്പറഞ്ഞതുപോലെ ആഴവും ചെരിവും കുറഞ്ഞ വയനാടൻ പുഴകൾ വേനൽക്കാലത്തെ വരൾച്ചയിൽ നിന്ന് വയനാടിനെ രക്ഷിക്കുന്നു. എന്നാൽ അവ മഴക്കാലത്ത് വെള്ളപ്പൊക്കത്തിനു കാരണമാകുന്നു. സാധാരണ ഇങ്ങനെ ഒഴുകുന്ന പുഴകളുടെ വീതി മഴക്കാലത്തും അല്ലാത്തപ്പോഴും രണ്ടായി അളക്കണം. ഉദാഹരണത്തിന് ആമസോൺ നദിയുടെ വീതി പറയുമ്പോൾ വേനൽക്കാലത്ത് 11km എന്നും മഴക്കാലത്ത് 45 km എന്നുമാണ് പറയാറ്. അതുപോലെ വള്ളിയൂർക്കാവ് ഭാഗത്ത് 20-30 മീറ്റർ മാത്രം വീതിയുള്ള മാനന്തവാടി പുഴ ഈ മഴക്കാലത്ത് 2-3 km വീതിയിലാണ് ഒഴുകിയത് (1km - 1.5 km ഒരു വശത്തേക്കും അതുപോലെ മറുവശത്തേക്കും കയറിയാണ്) പുഴ ഒഴുകിയത്. 2018ൽ, കേരളത്തിൽ സംഭവിച്ച പ്രളയത്തിലെ ഒരു ഒറ്റപ്പെട്ട സംഭവമായി വയനാട്ടിലെ വെള്ളപ്പൊക്കങ്ങൾ കാണരുത്. അതിനു കാരണങ്ങൾ താഴെപ്പറയുന്നവയാണ്.

a) ഇതേ രീതിയിൽ 2-3 km വീതിയിൽ പുഴ ഒഴുകിയ വലിയ വെള്ളപ്പൊക്കങ്ങൾ 2008, 1992, 1989, 1980, 1961 വർഷങ്ങളിൽ ഉണ്ടായിട്ടുണ്ട്.

b) 1994 മുതൽ 2006 വരെയുള്ള (എന്റെ ഒന്നാം ക്ലാസ് മുതൽ പ്ലസ്ടു വരെയുള്ള കാലഘട്ടങ്ങളിൽ) പന്ത്രണ്ട് വർഷങ്ങളിൽ 0.5 - 1 km വീതിയിൽ പുഴ ഒഴുകിയ സാധാരണ വെള്ളപ്പൊക്കങ്ങൾ കുറഞ്ഞത് 7-8 വർഷങ്ങളിലെങ്കിലും സംഭവിച്ചിട്ടുണ്ട്. അവ്വിധമുള്ള ഇതിനു മുൻപത്തെ വെള്ളപ്പൊക്കം 2013ലാണ് സംഭവിച്ചത്.

c) 2008 ന് മുൻപുള്ള ഒരോ ദശാബ്ദങ്ങൾ എടുത്താലും അതിൽ കുറഞ്ഞത് 1 - 2 വർഷങ്ങളിൽ നല്ല മഴയും വലിയ വെള്ളപ്പൊക്കവും 1 - 2 വർഷങ്ങളിൽ കുറഞ്ഞ മഴയും വരൾച്ചയും ബാക്കി 6 - 7 വർഷങ്ങളിൽ സാധാരണ വെള്ളപ്പൊക്കവും ഉണ്ടാകാറുണ്ട്.

d)പക്ഷേ ഇക്കഴിഞ്ഞ ദശാബ്ദത്തിൽ (2008 - 2018) അവ്വിധമുള്ള മഴയും സാധാരണ വെള്ളപ്പൊക്കങ്ങളുടെ എണ്ണവും ഗണ്യമായി കുറഞ്ഞിട്ടുണ്ട്.

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

പക്ഷേ പണ്ടത്തെ വെള്ളപ്പൊക്കങ്ങളും (1990-95 ന് മുൻപ്) ഇപ്പോഴത്തെ വെള്ളപ്പൊക്കങ്ങളും തമ്മിലുള്ള ഗണ്യമായ വ്യത്യാസം ആദ്യമേ സൂചിപ്പിച്ചിരുന്നു.

a) പണ്ട് നല്ല മഴപ്പെയ്താൽ മാത്രം സാവധാനം വെള്ളം കേറി, മഴ നിൽക്കുമ്പോൾ വേഗത്തിൽ ഇറങ്ങിപ്പോകുമായിരുന്നു. പക്ഷേ ഇന്ന് നേരേ തിരിച്ചാണ്. മഴ പെയ്തു തുടങ്ങുമ്പോഴേ വെള്ളം പാഞ്ഞുകയറുന്നു. മഴ നിന്നിട്ടും വെള്ളം ഇറങ്ങുന്നത് വളരെ സാവധാനം ഒന്ന് രണ്ടാഴ്ച സമയമെടുത്താണ്.

b) പഴയ വെള്ളപ്പൊക്കങ്ങളിൽ കരയിലോട്ടും വയലിലോട്ടും കയറുന്ന വെള്ളത്തിന് ഒഴുക്കു കുറവായിരുന്നു. എന്നാൽ ഇപ്പോഴത്തെ വെള്ളപ്പൊക്കങ്ങളിൽ കരയിലോട്ടും വയലിലോട്ടും കയറുന്ന വെള്ളത്തിന് ശക്തമായ ഒഴുക്ക് അനുഭവപ്പെടുന്നു.

c) മേൽപ്പറഞ്ഞ രണ്ട് വ്യത്യാസങ്ങളുടെ ഫലം ഇതാണ്. പഴയ വെള്ളപ്പൊക്കങ്ങൾ ഒരു പരിധി വരെ എക്കൽ നിക്ഷേപിച്ച് കൃഷിയെ സഹായിച്ചിരുന്നു എങ്കിൽ ഇപ്പോഴത്തെ വെള്ളപ്പൊക്കങ്ങളുടെ ദൈർഘ്യവും ഒഴുക്കും സമൂല നാശമാണ് വരുത്തുന്നത്.

ഇതിനുള്ള കാരണങ്ങളും പരിഹാരങ്ങളും ആണ് അടുത്തതായി പറയാൻ പോകുന്നത്.

പുഴയുടെ വാഹകശേഷിക്ക് (ആഴത്തിനും, വീതിക്കും, ചെരിവിനും) അപ്പുറമുള്ള വെള്ളം വരുമ്പോൾ പുഴ ആ വെള്ളത്തെ കരയിലേക്ക് തള്ളുന്നു. അങ്ങനെ 20-30 മീറ്റർ മാത്രം വീതിയിൽ ഒഴുകിയിരുന്ന പുഴ മഴക്കാലത്ത് 2-3 km വീതിയിൽ ഒഴുകുന്നു. അങ്ങനെ മഴക്കാലത്ത് പുഴ ഒഴുകിയിരുന്ന പ്രദേശങ്ങളാണ് ഇന്ന് പുഴയോട് ചേർന്നിരിക്കുന്ന മുഴുവൻ വയൽ പ്രദേശങ്ങളും സമതലങ്ങളും. ഉദാഹരണത്തിന് മാനന്തവാടി പുഴയുടെ കാര്യമെടുത്താൽ കാവുംപൊയിൽ (വള്ളിയൂർക്കാവ്), വേമോം പാടശേഖരം, കരിന്തിരിക്കടവ്, ആറാട്ടുതറ, കണ്ണിവയൽ, കമ്മന, കൊയിലേരി തുടങ്ങിയ പ്രദേശത്തെ വയലുകൾ എല്ലാം മഴക്കാലത്ത് പുഴവെള്ളം കയറി ഒഴുകുന്ന പ്രദേശങ്ങളാണ്. അതുപോലെ പനമരം ടൗൺ എത്തുന്നതിൽ മുൻപുള്ള പാടങ്ങൾ, വെണ്ണിയോട് - ചേര്യം കൊല്ലി ഭാഗത്തെ പാടങ്ങൾ എല്ലാം മഴക്കാലത്ത് പനമരം പുഴ ഒഴുകുന്ന പ്രദേശങ്ങളാണ്. അതുപോലെ കൂടൽക്കടവ് കുന്നിന്റെ ഇറക്കത്തിനും ദാസനക്കര കുന്നിന്റെ കയറ്റത്തിനും ഇടയിലുള്ള ഒരു കിലോമിറ്റർ നീളമുള്ള സമതലത്ത് വച്ചാണ് മാനന്തവാടി - പനമരം പുഴകൾ ചേർന്ന് കബിനി ജന്മമെടുക്കുന്നത്. ഈ സമതലവും മഴക്കാലത്ത് കബിനി നിറഞ്ഞൊഴുകുന്ന പ്രദേശങ്ങളാണ്.

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

2018ലെ പ്രളയത്തിൽ തൃശൂർ, ചാലക്കുടി, ചെങ്ങന്നൂർ, പത്തനംതിട്ട തുടങ്ങിയ പ്രദേശങ്ങളിലുണ്ടായ വിധം രൂക്ഷമായ രക്ഷാപ്രവർത്തനം വയനാട്ടിൽ ആവശ്യമായി വരാതിരുന്നതിന്റെ കാരണം ഇവ്വിധം വെള്ളം കയറുന്ന പ്രദേശങ്ങളെക്കുറിച്ച് തദ്ദേശവാസികൾ എതാണ്ട് ബോധവാന്മാരാണ് എന്നതു തന്നെ. പക്ഷേ വളരെ വേഗത്തിൽ വെള്ളം പാഞ്ഞു കയറിയതാണ് നമ്മുടെ നാട്ടുകാരെ വലച്ചത്. അതിന് നാം ചൂണ്ടിക്കാട്ടിയത് ഡാമുകളെയാണ്. പക്ഷേ അഗസ്റ്റ് 15-16 ന് കാരാപ്പുഴ - ബാണാസുര ഡാമുകളുടെ ഷട്ടറുകൾ മുഴുവൻ തുറന്നിട്ടും ആ വെള്ളം ഒഴുകിയെത്തുന്ന പനമരം പുഴയേക്കാളും വെള്ളം കൂടുതൽ ഉയർന്നത് മാനന്തവാടി പുഴയിലാണ്. അതിനു കാരണമായി പറയുന്നത് മലനിരകളിലുണ്ടായ ഉരുൾപൊട്ടലാണ്. അപ്പോൾ വീണ്ടും ഉയരുന്ന ചോദ്യം ഉരുൾപൊട്ടലുകൾ പണ്ട് കാലത്തുമുണ്ടായിരുന്നു. പിന്നെ എന്തുകൊണ്ട് ഇത്ര വേഗത്തിൽ വെള്ളം പാഞ്ഞു കയറി? വെള്ളം ഇറങ്ങാൻ എന്തു കൊണ്ട് ഇത്ര സമയമെടുക്കുന്നു? അതിനുള്ള രണ്ട് പ്രധാന കാരണങ്ങൾ തഴെ പ്പറയുന്നു.

1. പാലങ്ങളും അപ്രോച്ച് റോഡുകളും:

ആദ്യമേ സൂചിപ്പിച്ചതു പോലെ വേനൽക്കാലത്ത് 20 - 30 മീറ്റർ മാത്രം വീതിയിലൊഴുകുന്ന നമ്മുടെ പുഴകൾ, മഴക്കാലത്ത് പുഴയോട് ചേർന്ന് കിടക്കുന്ന വയൽ പ്രദേശങ്ങളിലൂടെയും സമതലങ്ങളിലൂടെയും കിലോമീറ്ററുകൾ വീതിയിൽ ഒഴുകുന്നു. പുഴക്ക് കുറുകെ നമ്മൾ കെട്ടിയ പാലങ്ങളും അതിലേക്ക് നിർമ്മിച്ച അപ്രോച്ച് റോഡുകളുമാണ് ഇപ്പോൾ സംഭവിക്കുന്ന തരത്തിലുള്ള ദോഷകരമായ വേഗത്തിലുള്ള വെള്ളപ്പൊക്കത്തിനും സാവധാനത്തിലുള്ള ഇറക്കത്തിനും കാരണം.

ഉദാഹരണത്തിന് കൂടൽക്കടവ് പാലങ്ങൾ എടുക്കുക. കൂടൽക്കടവ് കുന്നിന്റെ ഇറക്കത്തിനും ദാസനക്കര കുന്നിന്റെ കയറ്റത്തിനും ഇടയിലുള്ള ഒരു കിലോമിറ്റർ നീളമുള്ള സമതലത്തിലൂടെ ഒഴുകിയാണ് 30-40 മീറ്റർ വീതിയുള്ള മാനന്തവാടി - പനമരം പുഴകൾ ചേർന്ന് കബിനി നദി ജന്മമെടുക്കുന്നത്. ചിത്രം 22 കാണുക. ഇവിടെ പുഴകൾ ചേരുന്നതിന് മുൻപ് മാനന്തവാടി പുഴക്ക് കുറുകെ ആദ്യത്തെ പാലവും പനമരം പുഴക്ക് കുറുകെ രണ്ടാമത്തെ പാലവും പണിതു. തുടർന്ന് പാലങ്ങളുടെ ഉയരത്തിൽ കൂടൽക്കടവ് കുന്നുമുതൽ ദാസനക്കര കുന്നു വരയുള്ള 1 km ദൂരത്തിൽ മണ്ണിട്ടുയർത്തി അപ്രോച്ച് റോഡ് നിർമ്മിച്ചു. ഇവിടെ നമ്മൾ പരിഗണിച്ചത് മഴക്കാലമല്ലാത്തപ്പോഴുള്ള മാനന്തവാടി - പനമരം പുഴകളുടെ വീതിയായ 40 മീറ്റർ മാത്രമാണ്. 

ഫലമോ മഴക്കാലത്ത്, പുഴമെത്തി വീതി കൂട്ടി ഒഴുകാൻ ശ്രമിക്കുമ്പോൾ, 6-7 മീറ്റർ ഉയരമുള്ള അപ്രോച്ച് റോഡ് ഒരു എർത്ത് ഡാം പോലെയും പാലങ്ങളുടെ തൂണുകൾക്കിടയിലുള്ള ഭാഗം ഡാമിന്റെ സ്പിൽവേകളായും പ്രവൃത്തിക്കുന്നു. അപ്പോൾ പുഴയിൽ ജലനിരപ്പുയരുന്നു. കൊണ്ടു വരുന്ന ജലത്തെ ഉൾക്കൊള്ളാൻ എത്രത്തോളം ജലനിരപ്പുയർത്തണോ അത്രത്തോളം പുഴകൾ ജലനിരപ്പുയർത്തുന്നു. വേണ്ടിവന്നാൽ 6-7 മീറ്റർ ഉയർത്തി അപ്രോച്ച് റോഡുകൾക്കും പാലങ്ങൾക്കും മീതെ കൂടി പുഴ ഒഴുകുന്നു. ഫലമോ ഒരു കിലോമീറ്ററിന് ഒരടിയെന്ന ചെരിവുള്ള വയനാടൻ പീഠഭൂമിയിൽ 18 km (6 മീറ്റർ = 18-19 അടി) ദൂരത്തോളം പുഴ കമ്പിച്ച് വെള്ളപ്പൊക്കമുണ്ടാകുന്നു. അതൊരു ഉരുൾപൊട്ടൽ മൂലം വന്ന വെള്ളമാണെങ്കിൽ നിമിഷ നേരം കൊണ്ട് വെള്ളം പാഞ്ഞുകയറും.

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

ഇനി വള്ളിയൂർക്കാവ് കമ്മന പാലമെടുക്കുക. ചിത്രം 25 കാണുക. 20-30 മീറ്റർ മാത്രം വീതിയുള്ള പുഴക്ക് കുറുകെ ഒരു സമയം ഒരു ജീപ്പിന് കടന്നു പോകാൻ മാത്രം വീതിയുള്ള പാലം നിർമ്മിച്ചപ്പോൾ താങ്ങി നിർത്താൻ കൊടുത്തത് ഏഴ് തടിയൻ തൂണുകളാണ്. ഒരു തൂണിന്റെ പാദത്തിന് (വെള്ളത്തിൽ ഉള്ള ഭാഗം) കുറഞ്ഞത് ഒന്ന് ഒന്നര മീറ്റർ വീതി വന്നാൽ തന്നെ ഏഴ് തൂണുകൾക്ക് കൂടി 7 - 10 മീറ്ററാകും വീതി. രണ്ട് തൂണുകൾക്കിടയിൽ പുഴക്ക് ഒഴുകാൻ കിട്ടാവുന്ന പരമാവധി വീതി 2.5 - 3.5 മീറ്റർ മാത്രം. 20 - 30 മീറ്റർ വീതിയിൽ ഒഴുകിത്തീരാൻ പറ്റാത്തതു കൊണ്ട് സ്വാഭാവികമായി വെള്ളപ്പൊക്കമുണ്ടാകുന്ന ഒരു പുഴയിൽ അതിന്റെ 7 - 10 മീറ്റർ വീതി ആകെ കോൺക്രീറ്റ് തൂണുകൾ തടഞ്ഞാലുള്ള അവസ്ഥ ആലോചിക്കു. അതുമാത്രമല്ല മലയിൽ നിന്ന് ഉരുൾപ്പൊട്ടി പാഞ്ഞ് വരുന്ന മലവെള്ളം പുഴയിലുടെ വഹിച്ചുകൊണ്ടു വരുന്ന സാധനങ്ങൾ എന്താണെന്ന് പറയാനാവില്ല. അങ്ങനെ വരുന്ന ഒരു ഇല്ലിയുടെ മൂടോ വൃക്ഷത്തിന്റെ കടഭാഗമോ എന്തെങ്കിലും തൂണുകൾക്കിടയിൽ പുഴ ഒഴുകുന്ന ഈ 2.5 മീറ്റർ വീതിയിൽ വന്ന് തടഞ്ഞ് നിന്നാലുള്ള അവസ്ഥ എന്തായിരിക്കും. ഡാമിന്റെ ഒരു ഷട്ടർ അടച്ചതിന് തുല്യമാകുമത്. ഫലമോ ഒന്നുകിൽ പെട്ടെന്ന് പുഴയിലെ ജലനിരപ്പുയർന്ന് പാലത്തിന് മീതെ ഒഴുകും. 

അല്ലെങ്കിൽ ഗതിമാറി സമീപത്തെ സമതല പ്രദേശത്തേക്ക് പാഞ്ഞുകയറി ഒഴുകും. കൊയിലേരി ഊർപ്പള്ളി പാലത്തിന്റെ അടുത്ത് വീട് വച്ച് താമസിക്കുന്ന സുഹൃത്ത് പറഞ്ഞു. വളരെ കാലങ്ങളായി അവിടെ താമസിക്കുന്നു. ഇത്രയേറെ വെള്ളപ്പൊക്കങ്ങൾ വന്നിട്ടും ആദ്യമായിട്ടാണ് വീട്ടിൽ വെള്ളം കയറുന്ന വിധം വെള്ളപ്പൊക്കമുണ്ടാകുന്നത്. അതിന് കാരണമായി അദ്ദേഹം പറഞ്ഞത് ഊർപ്പള്ളിയിൽ പുതിയതായി പണിത പാലമാണ്. വെള്ളം ഉയർന്ന് പാലത്തിൽ തട്ടിയപ്പോൾ ഊർപ്പള്ളിക്ക് മേലോട്ടുള്ള വീടുകളിൽ വെള്ളം കയറി. എന്നാൽ ഊർപ്പള്ളി പാലത്തിന് താഴോട്ട് (കൊയിലേരി വലിയപാലത്തിന്റെ ഭാഗത്തേക്ക്) ആഗസ്റ്റ് 15-16 ലെ വെള്ളപ്പൊക്കത്തെക്കാളും രൂക്ഷമായത് ആഗസ്റ്റ് 9 - 10 ലെ വെള്ളപ്പൊക്കമായിരുന്നു. ഞാൻ മേൽപ്പറഞ്ഞ സാധ്യത [പാലത്തിന്റെ തൂണുകൾക്കിടയിൽ വല്ലതും തടഞ്ഞു കാണുമോ] അദ്ദേഹവും പങ്കുവയക്കുന്നുണ്ട്. ഈ ലേഖനത്തിന്റെ പ്രാരംഭ ഭാഗത്ത് ഞാൻ ചോദിച്ച മൂന്നാമത്തെ സംശയത്തിനുള്ള ഉത്തരം ഇപ്പോൾ കിട്ടിക്കാണുമല്ലോ.

പനമരത്ത് പനമരം പുഴക്ക് കുറുകെ പാലം പണിയാൻ വയലിലൂടെ ഒരു കിലോമീറ്റർ നീളമുള്ള അപ്രോച്ച് റോഡ് ആണ് പണിയേണ്ടി വന്നത്. കൊയിലേരി വലിയ പാലം മുതൽ വള്ളിയൂർക്കാവ് വരെയുള്ള 4 km ൽ നാലു പാലങ്ങളും (കൊയിലേരി വലിയ പാലം, ഊർപ്പള്ളി പാലം, കൊയിലേരി ടൗണിലെ പാലം, വള്ളിയൂർക്കാവ് പാലം) അവയുടെ അപ്രോച്ച് റോഡുകളും ആണുള്ളത്. ഇങ്ങനെ എടുത്താൽ വയനാടൻ പീഠഭൂമിയിൽ പാലങ്ങളുടെ രൂപത്തിൽ നാം നിർമ്മിച്ച മണ്ണണകൾക്ക് കണക്കില്ല. ഇവ പെട്ടെന്ന് വരുന്ന മലവെള്ളപാച്ചിലിനെ തടഞ്ഞു നിർത്തുന്നത് വേഗത്തിലുള്ള വെള്ളപ്പൊക്കത്തിനും പുഴയോട് ചേർന്ന സമതലദേശങ്ങളിലൂടെയുള്ള പുഴയുടെ ഗതിമാറി ഒഴുക്കിനും കാരണമാകും. 

ഒരു പരിധി കഴിഞ്ഞാൽ എത്ര മഴ പെയ്താലും വെള്ളപ്പൊക്കം സാവധാനത്തിലാകും. കാരണം അപ്പോഴേക്കും അപ്രോച്ച് റോഡുകൾക്കും പാലങ്ങൾക്കും മീതെ കൂടി പുഴ ഒഴുകിത്തുടങ്ങും. കൂടാതെ മഴ നിന്നാലും 20- 30 നീളമുള്ള പാലങ്ങൾക്കിടയിൽ കൂടി 1 - 2km വീതിയിൽ കിടക്കുന്ന വെള്ളം ഒഴുകിത്തീരാൻ സമയമെടുക്കുന്നതിനാൽ വെള്ളമിറക്കം സാവധാനത്തിലാകും. ഫലമോ പ്രകൃത്യാ ഉണ്ടായ പണ്ടത്തെ വെള്ളപ്പൊക്കം പോലെ എക്കൽ നിക്ഷേപിച്ചും ഉറവ വച്ചും നാടിനെ അനുഗ്രഹിക്കുന്ന വെള്ളപ്പൊക്കം പോലെയല്ല ഇപ്പോഴത്തെ വെള്ളപ്പൊക്കം. അത് വേഗം കയറി സാവധാനമിറങ്ങി ജീവനും സ്വത്തിനും കൃഷി നാശത്തിനും വഴിവക്കുന്നു. അതുപോലെ വെള്ളമിറങ്ങിക്കഴിഞ്ഞ പാടങ്ങൾ ആഴ്ചകൾ കഴിയുമ്പോഴെ വറ്റിവരണ്ട് കിടക്കുന്നതും കാണാം.

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

2. മഴക്കാലത്ത് പുഴമെത്തിയൊഴുകുന്ന പ്രദേശത്ത് ഉണ്ടാകുന്ന നിർമ്മിതികൾ.

2000 ന് മുൻപ് വരെ വള്ളിയൂർക്കാവ് മുതൽ ചെറുകാട്ടൂർ കയറ്റം വരെയുള്ള ഭാഗങ്ങളിൽ സ്ഥലം മേടിക്കുമ്പോൾ ആളുകൾ ചോദിക്കാറുണ്ട് ഇവിടെ വെള്ളം കയറാറുണ്ടോ. അത് നോക്കിയാണ് അവിടങ്ങളിൽ നിർമ്മാണ പ്രവർത്തനങ്ങൾ നടത്താറ്. 2008നു ശേഷം കാര്യമായ വെള്ളപ്പെക്കമുണ്ടാകാത്തതിനാൽ അങ്ങിനെയുള്ള പല സ്ഥലങ്ങളും മണ്ണിട്ട് നികത്തി. തൽഫലമായി മഴക്കാലത്ത് പുഴയൊഴുകിയ വഴികളിൽ വെള്ളം കമ്പിച്ചു. അതും വെള്ളപ്പൊക്കം രൂക്ഷമാക്കി.

പ്രതിവിധികൾ:

രണ്ട് പ്രധാന പ്രതിവിധികൾ ആണ് ചെയ്യേണ്ടത്.

1. പാലങ്ങളും അപ്രോച്ച് റോഡുകളും നിർമ്മിക്കുമ്പോൾ നമ്മൾ കാണേണ്ടത് മഴക്കാലത്തെ വയനാട്ടിലെ പുഴകളുടെ വീതിയും ഉയരവുമാണ്. പാലങ്ങൾ പുഴ നിരപ്പിൽ നിന്ന് ആ ഉയരത്തിൽ നിർമ്മിക്കുക. അതിലേക്കുള്ള അപ്രോച്ച് റോഡുകൾക്ക് ധാരാളം കൽവേർട്ടുകൾ (Culvert - ജലം ബഹിർഗമിക്കാനുള്ള പാതകൾ) നിർമ്മിക്കുക. ചിത്രം 23, 24 കാണുക. വെള്ളപ്പൊക്കത്തിന് പ്രതിവിധിയായി വള്ളിയൂർക്കാവു മുതൽ ചെറുകാട്ടൂർ കയറ്റം വരെയുള്ള റോഡിന്റെ ഉയരം കൂട്ടാൻ പോവുകയാണെന്ന് കേട്ടു. നമ്മൾ എത്ര ഉയരം കൂട്ടിയാലും ഒഴുകാനുള്ള വഴി കിട്ടും ജലനിരപ്പ് ഉയരുക തന്നെ ചെയ്യും. 

ഫലമോ പുഴക്ക് അക്കരയുള്ള എടവക ഗ്രാമപ്പഞ്ചായത്തിലെ കമ്മന പ്രദേശത്തെ വീടുകളിലും താഴ്ന്ന സ്ഥലങ്ങളിലും അതുപോലെ വള്ളിയൂർക്കാവ് - ചെറുകാട്ടൂർ റോഡിനും പുഴക്കിടയിലുമുള്ള മാനന്തവാടി നഗരസഭയിലെ വീടുകളിലും താഴ്ന്ന പ്രദേശങ്ങളിലും 2018ൽ ഉയർന്നതിനേക്കാൾ രൂക്ഷമായ വെള്ളപ്പൊക്കമുണ്ടാകും. ചിലപ്പോൾ ഉയരം കൂട്ടിയ റോഡ് മുറിച്ചു കടക്കുന്നതു വരെ ജലനിരപ്പയരും. റോഡ് ഉയരം കൂട്ടുന്നതിനൊപ്പം ചെയ്യേണ്ട പ്രധാന കാര്യം വെള്ളം പൊങ്ങുന്ന സ്ഥലങ്ങളിലെല്ലാം റോഡിന് ധാരാളം കൽവെർട്ടുകൾ വക്കുക എന്നതാണ്. വർഷാവർഷങ്ങളിൽ വെള്ളം തകരുന്ന റോഡ് നന്നാക്കുന്നതിലും ലാഭകരം ഒരു തവണ പണിത് വക്കുന്ന കൽവെർട്ടുകൾ ആണ്.

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

വയനാട്ടിലെ വെള്ളപ്പൊക്കത്തിന്റെ കാരണം കേരളത്തിലും കർണ്ണാടകയിലുമുള്ള മൂന്ന് ഡാമുകൾ മാത്രമാണോ? നമ്മുടെ പാലങ്ങൾക്കും അപ്രോച്ച് റോഡുകൾക്കുമില്ലേ വലിയൊരു പങ്ക്? ഇമ്മാനുവൽ ടോം എഴുതിയ കുറിപ്പ്

2. ഐക്യരാഷ്ട്ര പരിസ്ഥിതി പ്രോഗ്രാമിൽ (UNEP) ദുരന്ത അപകടസാധ്യതാ ലഘൂകരണ വിഭാഗത്തിന്റെ തലവനായ ഡോ. മുരളി തുമ്മാരുകുടി 2018 ന്റെ പ്രളയ പശ്ചാത്തലത്തിൽ പറഞ്ഞൊരു കാര്യം ശ്രദ്ധാർഹമാണ്. അദ്ദേഹം പറഞ്ഞത് 1924 ലെ പ്രളയത്തിന്റെ അടയാളങ്ങൾ നമ്മൾ രേഖപ്പെടുത്തിയില്ല. അതു കൊണ്ട് എവിടം വരെ എത്ര ഉയരത്തിൽ വെള്ളപ്പൊക്കമുണ്ടാകുമെന്ന് നമ്മൾക്കറിയില്ലായിരുന്നു. അളകൊണ്ട് 2018ലെ പ്രളയത്തിന്റെ ഉയരവും പരപ്പും നമ്മൾ അടയാളപ്പെടുത്തി സൂക്ഷിക്കണം. അത്തരം വെള്ളപ്പൊക്ക ബാധിത പ്രദേശത്ത് നടത്തുന്ന നിർമ്മിതികൾ ജലത്തിന്റെ ഒഴുക്കിനെ തടയുന്നതാകരുത്. ജലത്തിന് ഒഴുകാനുള്ള വഴിയിട്ടേ അല്ലെങ്കിൽ ജലത്തിന്റെ ഒഴുക്കിനെ തടയാത്ത നിർമ്മിതികളേ ചെയ്യാൻ പാടുള്ളൂ.

ഞാനാദ്യമേ സൂചിപ്പിച്ച പോലെ വയനാട്ടിലെ ജനങ്ങൾ ഒരു പരിധി വരെ ഇതിനെക്കുറിച്ച് ബോധ്യമുള്ളവരാണ്. അതു കൊണ്ടാണ് ജൂലൈ 15-16 മുതൽ ആഗസ്റ്റ് 15 -16 വരെയുള്ള ഒരു മാസത്തിനിടക്ക് മൂന്നു തവണ വെള്ളപ്പൊക്കണ്ടായിട്ടും ഡാമുകളുടെ ഷട്ടറുകൾ മുഴുവൻ തുറന്നിട്ടിട്ടും ഉരുൾപൊട്ടൽ മൂലമുള്ള മഴവെള്ളപ്പാച്ചിൽ പുഴകളിലുണ്ടായിട്ടും കാര്യമായ ജീവഹാനി വെള്ളപ്പൊക്കം മൂലം വയനാട്ടിൽ ഉണ്ടാകാതിരുന്നത്. തൃശൂർ, ചാലക്കുടി, ചെങ്ങന്നൂർ, പത്തനംതിട്ട തുടങ്ങിയ സ്ഥലങ്ങളിലെ പോലെ രക്ഷാപ്രവർത്തനം ആവശ്യമായിവരാതിരുന്നത്. അവിടെയുള്ള പലരും അവരുടെ ജീവിതത്തിൽ ആദ്യമായിക്കാണുന്ന വെളളപ്പൊക്കമാണിത്. അവർ വീടുകളും കെട്ടിടങ്ങളും പണിയുമ്പോൾ അങ്ങിനൊരു വെള്ളപ്പൊക്കം ഉണ്ടാകുമെന്നു പോലും വിചാരിച്ചില്ല. ഒഴുകാൻ വഴി കിട്ടാതെ വെള്ളം രണ്ടാമത്തെയും മൂന്നാമത്തെയും നില വരെ എത്തി.

എന്നാൽ നമ്മുടെ നാടും മാറുന്നുണ്ട്. 2008ന് ശേഷം കാര്യമായ വെള്ളപ്പൊക്കമില്ലാതിരുന്നതിനാൽ ഇനി ആ പ്രദേശങ്ങളിൽ വെള്ളം പൊങ്ങുമെന്ന കാര്യം നാമും വിട്ടു കളഞ്ഞു. അതുണ്ടായിക്കൂടാ. 2018ലെ വെള്ളം പൊങ്ങിയ ഭാഗങ്ങളും ഉയരവും പരപ്പും അടയാളപ്പെടുത്തണം. മഴക്കാലത്ത് പുഴ സ്വാഭാവികമായി ഒഴുകുന്ന പ്രദേശങ്ങളെ പ്രത്യേകം അടയാളപ്പെടുത്തണം. അവിടെ ജല നിർഗമനത്തെ തടയുന്ന പ്രവൃത്തികൾ ഒഴിവാക്കണം. കാരണം ഒരു വെയിൽ വരുമ്പോൾ മഴ മറക്കുന്നവനാണ് മലയാളി എന്ന് സുഗതകുമാരി ടീച്ചർ പറയാറുണ്ട്.

ഒന്ന് രണ്ട് ദിവസത്തെ മഴ ചെന്നൈ മുംബൈ നഗരങ്ങളെ പ്രളയത്തിലാഴ്ത്തി. നാലഞ്ചു ദിവസത്തെ മഴയും ഡാമിലെ വെള്ളവും തൃശൂരിന് തെക്കോട്ടുള്ള പ്രദേശങ്ങളെ ദുരിതത്തിലാഴ്ത്തി. എന്നാൽ ഒരു മാസത്തോളം വയനാട് പിടിച്ചു നിന്നത് മഴ പെയ്താൽ ഒഴുകിപ്പോകാനുള്ള സ്ഥലങ്ങൾ വയനാട്ടിൽ ഉള്ളതുകൊണ്ടാണ്. അവയെ നാമിനിയും അടയാളപ്പെടുത്തി സംരംക്ഷിച്ചില്ലെങ്കിൽ ഒരു മഴക്ക് നമ്മുടെ നാട്ടിൽ വെള്ളപ്പൊക്കമുണ്ടാകുന്ന അവസ്ഥ അടുത്ത 30 വർഷത്തിനിടക്ക് ഇവിടെയുമുണ്ടാകും.

advertisment

News

Related News

    Super Leaderboard 970x90