ചരിത്രത്തിൽ തൂക്കിലേറ്റപ്പെട്ട ഏക ആന മേരിയുടെ കഥ

മേരിയുടെ കഴുത്തിലൂടെ ചങ്ങലയിട്ട് ക്രെയിൻ ഉപയോഗിച്ച് തൂക്കി കൊല്ലാനായിരുന്നു പദ്ധതി. ഒരുതവണ തൂക്കിലേറ്റിയപ്പോൾ ചങ്ങല പൊട്ടി മേരി താഴെ വീണു. ആ വീഴ്ചയിൽ മേരിയുടെ നടുവൊടിഞ്ഞു. രണ്ടാമത്തെ തവണ തൂക്കിലേറ്റിയപ്പോൾ സംഭവം നടന്നു. മേരി മരിച്ചു.

ചരിത്രത്തിൽ തൂക്കിലേറ്റപ്പെട്ട ഏക ആന മേരിയുടെ കഥ

കുറ്റം ചെയ്താൽ തൂക്കി കൊല്ലുന്നത് പുതിയ കാര്യമല്ല. എന്നാൽ ഒരു ആനയെ തൂക്കി കൊല്ലുന്നതോ..?? അതും കൊലക്കുറ്റത്തിന് !!! ചരിത്രത്തിൽ തൂക്കിലേറ്റപ്പെട്ട ഏക ആന മേരിയുടെ കഥ ഇങ്ങനെയാണ്.

ഇരുപതാം നൂറ്റാണ്ടിൻറെ തുടക്കത്തിൽ അമേരിക്കയിൽ പ്രസിദ്ധിയാർജിച്ച സർക്കസ് ഷോ ആയിരുന്നു #സ്പാർക്ക്സ്_വേൾഡ്_ഫേമസ്_ഷോ. സംഗീതോപകരണങ്ങൾ വായിക്കുന്ന ,ബേസ് ബോൾ കളിക്കുന്ന ഏഷ്യൻ ആനയായിരുന്നു പ്രധാന ആകർഷണം.5 ടൺ ഭാരവും ഒത്ത തലയെടുപ്പുമുള്ള മേരി എന്ന ആനയെ കാണാൻ വേണ്ടി മാത്രം ആളുകൾ എത്തി.

ചരിത്രത്തിൽ തൂക്കിലേറ്റപ്പെട്ട ഏക ആന മേരിയുടെ കഥ

1916 സെപ്റ്റംബർ 12ന് റെഡ് എൽറിഡ്ജ് എന്ന യുവാവ് സർക്കസിൽ ജോലി തേടിയെത്തി. ആനയെ പരിപാലിക്കാനുള്ള പരിചയമൊന്നും അയാൾക്കുണ്ടായിരുന്നില്ല. എന്നാൽ കമ്പനി മാനേജർ നൽകിയതാകട്ടെ, മേരിയുടെ പരിപാലന ചുമതലയും. ഒരുദിവസം മേരിയെ കൂടാരത്തിനു പുറത്തേക്ക് നടത്താൻ ഇറക്കിയത് ആയിരുന്നു എൽറിഡ്ജ്. വഴിയോരത്ത് തണ്ണിമത്തൻ കണ്ടപ്പോൾ മേരി ആ വഴിക്ക് ഒന്ന് നീങ്ങി. എൽറിഡ്ജ് തോട്ടി കൊണ്ട് മേരിയുടെ ചെവിയിൽ ആഞ്ഞൊന്ന് കുത്തി. കലി വന്ന മേരി അയാൾക്കു നേരെ തിരിഞ്ഞു. തുമ്പികൈയിൽ പൊക്കിയെടുത്ത് താഴെയിട്ടു. തല ചവിട്ടി മെതിച്ചു.

എൽറിഡ്ജിന്റെ അനക്കം നിലച്ചതോടെ മേരി ശാന്തയായി. മറ്റാരെയും അവൾ ഉപദ്രവിച്ചില്ല. കണ്ടുനിന്ന ജനം 'കൊലയാളി ആനയെ കൊല്ലണം' എന്ന് ആർത്തുവിളിച്ചു. മറ്റുചിലർ കൂർത്ത കമ്പുകൊണ്ട് ആനയെ ഉപദ്രവിച്ചു. ചിലർ ആനക്ക് നേരെ കല്ലെറിഞ്ഞു. മേരിയുടെ ശരീരത്തിൽ നിന്നും രക്തം പൊടിഞ്ഞു.. എന്നിട്ടും അവൾ അനങ്ങിയില്ല. പക്ഷേ ജനം ശാന്തരായില്ല. ചില പ്രാദേശികനേതാക്കൾ സർക്കസ് ഉടമ ചാൾസിനെ കണ്ടു ഭീഷണിപ്പെടുത്തി.

ചരിത്രത്തിൽ തൂക്കിലേറ്റപ്പെട്ട ഏക ആന മേരിയുടെ കഥ

മേരിയെ സർക്കസിൽ ഉൾപ്പെടുത്തുകയാണെങ്കിൽ ഷോ നടത്താൻ അനുവദിക്കില്ല എന്നതായിരുന്നു ഭീഷണി. അങ്കലാപ്പിലായ ചാൾസ് ജനങ്ങളെ തണുപ്പിക്കാൻ പരസ്യമായി പ്രഖ്യാപനം നടത്തി 'മേരിയെ പരസ്യമായി തൂക്കിക്കൊല്ലാം'.!! ഇതു കേട്ട് ജനം ആർത്തുല്ലസിക്കുകയായിരുന്നുവെന്ന് അന്നത്തെ ഒരു പ്രാദേശിക പത്രം റിപ്പോർട്ട് ചെയ്തിട്ടുണ്ട്.

1916 സെപ്റ്റംബർ 13, മഞ്ഞുമൂടിയ ഒരു വെളുപ്പാൻകാലത്ത്, മേരിയെ വണ്ടിയിൽ ടെന്നിസി സ്റ്റേറിലെ യുനികോയ് കൗൺടി എന്ന സ്ഥലത്തെ ക്ലിൻജ് ഫീൽഡ് എന്ന മൈതാനത്തെത്തിച്ചു.

വൻജനാവലി അവിടെ തടിച്ചുകൂടിയിരുന്നു. മേരിയുടെ കഴുത്തിലൂടെ ചങ്ങലയിട്ട് ക്രെയിൻ ഉപയോഗിച്ച് തൂക്കി കൊല്ലാനായിരുന്നു പദ്ധതി. ഒരുതവണ തൂക്കിലേറ്റിയപ്പോൾ ചങ്ങല പൊട്ടി മേരി താഴെ വീണു. ആ വീഴ്ചയിൽ മേരിയുടെ നടുവൊടിഞ്ഞു. രണ്ടാമത്തെ തവണ തൂക്കിലേറ്റിയപ്പോൾ സംഭവം നടന്നു. മേരി മരിച്ചു. തൊട്ടടുത്ത് തന്നെ മേരി കുഴിച്ചിട്ടു. ആ കല്ലറ ക്കുമേലെ ജനം എഴുതി,,

advertisment

News

Related News

    Super Leaderboard 970x90